Sərkisyan insanların vətənpərvərlik və millətçilik hissləri üzərində oynamaq istəyir
Ermənistanda vəziyyət o qədər də stabil deyil. Bir yandan rus əsgərinin bir erməni ailəsini öldürməsi və nəticədə ölkədə insanları etiraza qalxması, digər yandan isə cəbhə bölgəsindən erməni əsgərlərinin meyidinin gəlməsi Sərkisyan üçün vəziyyəti çətinləşdirib.
Hazırda, Ermənistan cəmiyyətində baş verən olaylardan dolayı ciddi narazılıq var. Birinci narazılıq onun Avrasiya İttifaqına qoşulması və Qərbdən imtina etməsi, digəri isə bunun fonunda siyasi və iqtisadi vəziyyətin kəskinləşməsidir. Sərkisyan Avrasiya İttifaqına qoşulmaq barədə addım atandan sonra qərbyönümlülərin müqaviməti ilə üz-üzə qalıb.
Belə bir vəziyyətdə, Sərkisyan insanların vətənpərvərlik və millətçilik hissləri üzərində oynamaq istəyir. Azərbaycan ordusu itki versə, bunu bir qəhrəmanlıq kimi öz adına yazacaq və ictimai rəyi xeyrinə işləməyə vadar edəcək. Amma, son günlər, yazılanlar və deyilənlərdən çixış etsək, bunun əksi baş verib.
Ordumuz çox ehtiyatlı olmalıdır. Ermənstan tərəfi mütləq revanş götürmək istəyəcək.