ArticlesVisits

Qarabağ – Əşyaların soyqırımı

Dünən siyasi partiyalarla birlikdə Ağdamın dağıntılarını və erməni vandalizmini gözümüzlə gördük və elə buradan ağlıma bir fikir gəldi ki, onu bölüşmək istəyirəm. Birinci təklifim Mədəniyyət nazirliyinədir. Təcili olaraq Prezidentlə məsləhətləşin və Hollivud qarışıq, dünya film istehsalı nəhənglərinə film çəkilişləri üçün dəvət göndərin. Onlar Qarabağda ermənilərin etdiyi vəhşilik, vandalizm, əşyaların soyqırımı və dağıntıları yaratmaq üçün yüz milyonlarla pul xərcləyirlər.

Təklif verin ki, zombi, qorxu, müharibə, etnik təmizləmə, əşyaların soyqırımı, apokalipsis və digər mövzularda Oscar mükafatı alacaq filmlər çəkmək olar. İnanıram ki, film nəhəngləri Azərbaycana axışacaqlar. Bəlkə də növbə də yarandı. Öz film istehsalçılarımız da sakit dayanmasın, sponsor tapıb film çəklişlərinə başlayın. Bundan gözəl təbliğat olarmı? Yüz milyonlar xərcləyəsən, Qarabağda “əşyaların soyqırımı” filminin yaratdığı effekti almaq olmaz.

İkincisi, Turizm nazirliyinə müraciət edirəm. Siz də cənab Prezidentlə məsləhətləşin və aparıcı xarici kanallarda “Qarabağa ziyarət”, “zəfər yolu”, “dronların döyüşü” adlı reklam rolikləri yerləşdirin, dünya turistlərini çarter reyslərlə Bakıya dəvət edin. Vallahi və Billahi, unudun pandemiyanı, öhdəsindən gələrik, amma bu tarixi şansı əlimizdən qaçırmayaq.

Uğurlar və uğurlar!

Related Articles

Check Also
Close
Back to top button